PANTUN PAI

Robbikum ni robbikum
robbikum sollu ala
assalamualaikum
pembukaan acara

...sekhatus bukhung keling
sai tuha ninjau di anau
sekhatus khang ku gekhing
di niku khangku layau

bedikekh muneh cangkekh
baya nyani way kupi
khelayamu bepikekh
mak niku sapa lagi

khalis batang ni kandis
khalis kebegu-begu
nekhaka pitu lapis
kusel0m ki wat niku

gunung sugih khik banding
mak lalat kantu anau
jak lunik nang0n gekhing
mubalak tambah layau

mati luwak mak liyoh
penyin ku tan0m pakhi
mati luwak dang jaw0h
kusilau dibi pagi

selingg0m kumbut bebut
mej0ng di ulu ni jan
sai tuha tambah kahut
ki niku ngandan badan

kelapa ni sai watos
bela di kanik ukh0l
niku tikham ditedos
nyak tikham dukh0l"

mak dapok men0k law0k
tebinta di bengkulu
mak dap0k men0k khump0k
tebinta nyak diniku

nyilok silok di law0k
lentekha bukit tinggi
sungguh jakhang kupen0k
kidang khedik di hati

akhloji ku ji mati
sekundan ni mak jalan
hukhik mak mati lagi
ki niku ngandan badan

way la'ai gandai"
akhus ni mat0h ko helu
kawai handak tikhedai
penyanaku ya niku

takhu nyak tantang simpang
tabinta bukit tinggi
wayak mak tipekhpanjang
wassalam penutup ni