Kamis, 17 Februari 2011

Nyak Pantun Khik Ngelamun
Kapanku Biti Dikhi
Nginjan wai Latap Imbun
Mak Kejak Khan Pagi

Nginjan wai Latap Imbun
Sina Jadi Umpama
Hukhik Mak gegoh Di hulun
Sengsakha Di Saigala

Khekhanting nutuk Banjekh
Sakikku Butindih tindih
Sedihni sai Numpang mampekh
Mak Khipak Ngilu Pedih

Alang sakikmu Badan
Selalu nedos Hati
Kidang Ano Bagian
Mak Dacok Tisesoli

Mak mingan ti sesoli
hukhik mak ngedok daya
jukung patoh kemudi
Umpama ku Di Ganta

Nyak nyimbin Dikhi Miskin
kintu niku wat kedau
Muluk wai nyindang Angin
Tangih kidang Kekalau

Muluk wai nyindang angin
Tangih kidang kekalau
DalDua Dibawah Rin
DalDapan Angon Niku

khindu niku sai nantu
Hagaku dang Ditanya
Kipak mak pantas hamu
nyak Kilu Iman Juga

nyak kilu Iman Juga
Penyinko Pai Khetini
Jukuk Tengah khenglaya
Kekhing Di Siakh Khani

Sangun Kita Bubida
hukikku Mak bukheti
Niku Kayu Di Khimba
Nyak jukuk Debah Jami

Nyak Jukuk Debah Jami
kheno Hakhapku Diku
Dang muneh kik Mubidi
Kik Mangkung Patut Hamu

Pedihmu Sai Ku Kilu
Kapan juga Masana
Angonku Mak Bukhadu
Selagi nyak Di Dunia

Selagi Di Dunia
Niku Do Sai Kupenah
Indani kik mak juga
Niku Kuandan Jak Jaoh

ya Allah Ya tuhanku
Nyak nyebut Nama tuhan
Di Kala Satu waktu
ngangonko nasibni badan

Tengis pai parawatin
Sangun Adat Dunia
Kaya dalihni Miskin
Masing Masing Ngekhasa

Dimasa Nikham Jaya
unyin segalani wat
Lamon Hulun sai muja
Khadu injuk Kekhamat

Jak Jaoh Khadu nagu
khedik tikayun Singgah
Payah Temon Sai ngaku
Ya bangik Timbul Pungah

Bogher Fc88

Tidak ada komentar:

Posting Komentar