LUMIJA RALANG

Sejarah LUMIJA RALANG. (Raja Alam Ke IV)
Penerus CULA NAGA.
Nyetik Keris khik Pedang.
...Bersatu PUNGGAWA LIMA.

Mebani perang tandang.
Gerilya mik Utara. (Pugung + - thn 1812)
Gumah mak nutuk mulang.
Gugur di medan laga.

Siasat perang pedang.
Mak nungga kena sasa.
Mak udi badan cadang.
Pilokh nembus mik dada.

Gumah nyawa melayang.
INGGRIS nambah armada. (Karena terdesak, Inggris menambah pasukan dari bengkulu)
Takdir nyani kham miwang.
Pahlawan gugur juga.

Wahai LUMIJA RALANG.
Darahmu netes juga. (Gugur di Pugung Pemancakhan demi Pertiwi)
Kuk galah kena lidang.
Sampai mawat kegaga. (Konon kepalanya di bawa Inggris bukti kemenangan mereka)

Sai nyisa Masgul mulang.
Sambil ngusung keranda.
Ngisi LUMIJA RALANG.
PAHLAWAN kham jak ija. (Satu di antara Pahlawan PUNGGAWA LIMA)

Mak ketulak di malang.
Inji takdir Sai Kuasa.
Penjajah makin garang.
Rakyat lamon binasa.

Jak pagi jadi petang.
Hamili pulimban bakha.
Sekian saka terkekang.
Lahekh RAJA ALAM ke - V. (RAJA ALAM MENYINGOK LUNGKUNG)

PAHLAWAN KRUI

By; Beni Haryanto
Bismillah pangkal kata.
Mahaf lain hahingga.
Sinji rangkaian cawa.
Asal mula cekhita.

KHADIN DAWAN Pedada.
Nyusun Tamboni Marga.
Silsilah khabai lupa.
Lawan sekam sai ngukha.

Kisah PUNGGAWA LIMA.
Di tuturkon di dija.
Ku teduh mawat kena.
Nyelom sego'an saka.

LUMIA RALANG ku hena.
Keluarga PANGERAN TANAH JAYA.
Keturunan JAYA LELANA. (Banten)
Terdampar di daerah Manna ( Bengkulu)

Jak Banding RAJA PANGLIMA.
NURKADIM khik RAJA BELANG jak Way Tegaga.
Khekhamah Gelar Raja.
Kuk Adok tega nana.

NUNGKAH NANGKEH lelawa. (Jak Teratas)
Jak khulah mik di Teba.
PENYUKANG ALAM kindo juga. (Jak Kageringan)
Mak tekhambat kipak khimba.

SALIBAR ALAM Panglima.
Julukan membahana.
Akik Jin mekhabai di ya.
Ikin kik Jema khua.

Bukisah Tian Lima.
Di lom urutan mena.
Ngerintis nyepok Khelaya.

Jak semangka mit bintuhan.
Tapal batas sai sayya.
Petungga Jema pulan. (Orang Tumi suku pedalaman Krui dulu)
...Bekhak cuping khik mata.

Raja Tumi ya PASANGGAHAN.
Tewas di tikam senjata.
Sai nyisa kukhuk pulan.
Mak nimbul tugok ganta.(Mungkin Punah)

Kik KERA UI betabokhan.
Kuk KHUI nyucuk kepa.
Cawa KRUI mundah disan.
Kekaji asal Nama. (Teori asal nama Krui)

PUNGGAWA LIMA netap disan.
Rukun daleh sejahtra.
Sampai ngedok keturunan.
Gumah jadi legenda.

Tahun khadu khatusan.
Di lom abad sai saka.
Penghuni betambahan
Nyepok sugeh khencaka.

Penjajajh mamidokhan.
Nyepok kupi, cengkeh khik lada.
Jak lawok mik daratan.
INGGRIS nyuhun senjata. (Penjajah pertama yang menduduki Krui)

Lain hak mak ngelawan.
Anjak rakyat di nana.
Kuk hulu pisah jak badan.
Nyawa lepas jak raga.

Kheno pai antak isan.
Mahaf kik salah cawa.
Kintu bang kintu nihan.
Wakhah jadi beguna.